اطلقت شركة تقارب بشرة خير للعراق

اطلقت شركة تقارب للإتصالات اغنية بشرة خير بصوت الفنان احمد الديرباني وكلمات الشاعر على الجبوري .

كلمات الاغنية :

أملنا نقوي خوتنا  .. العراق الارضه جمعتنا

جسد واحد نظل كلنا .. بلاية احقاد

عراقك هذا لا تبيعه .. ضمير الشر لا اتطيعه

عراق السنة والشيعة .. وأهلنا أكراد

*****************

ايد من المصلاوي وي ايد من الحلاوي

بالارادة التمشي بدمنا من واحنا صغار

نبني احنا لوطنا بس نتحد لازم كلنا

من تشوف ابن السماوة يعيش بالأنبار

*****************

اللي يفكر يضدنا نطكه بسرعه انكوله "تشاو"

ما عاش اللي يفرقنا من دهوك لحد الفاو

واحجيلك عالجنسية من اب شيعي وام سنية

من أب شيعي وأم سنية وناسبت أكراد

*****************

السماوة وسمرة البصرة .. النجف وعكولة الشطرة

الجنوب نزحفه لو نادت صلاح الدين

الرمادي الموصل ديالا .. الشمال انجره بجباله

نروح لكربالا الطيبة نزور حسين

*****************

أيد من المصلاوي وي أيد من الحلاوي

بالإرادة التمشي بدمنا من واحنا صغار

نبني أحنا لوطنا بس نتحد لازم كلنا

من تشوف ابن السماوة يعيش بالأنبار

*****************

اللي يفكر يضدنا نطكه بسرعه انكوله "تشاو"

ما عاش اللي يفرقنا من دهوك لحد الفاو

واحجيلك عالجنسية من أب شيعي وأم سنية

من أب شيعي وأم سنية وناسبت أكراد

*****************

أملنا نقوي خوتنا  .. العراق الارضه جمعتنا

جسد واحد نظل كلنا .. بلاية احقاد

عراقك هذا لا تبيعه .. ضمير الشر لا اتطيعه

عراق السنة والشيعة .. وأهلنا أكراد